毋願交別人
《毋願交別人》M̄-guān Kau Pa̍t-lâng
方采霞Png Tshái-hâ
——————————————
春風吹
tshun-hong tshue
花清芳
hue tshing-phang
予阮想起心愛的人
hōo gún siūnn-khí sim-ài ê lâng
彼日雙人情意重
hit-ji̍t siang-lâng tsîng-ì tāng
如今分西東
jû-kim hun se-tang
毋管環境變啥款
m̄-kuán khuân-kíng piàn siánn-khuán
一片真情阮毋願放
it-phiàn tsin-tsîng gún m̄-guān pàng
黃昏夕陽照西窗
hông-hun si̍k-iông tsiò se-thang
等待也是你一人
tán-thāi iā-sī lí tsi̍t-lâng
美麗的純情夢
bí-lē ê sûn-tsîng bāng
無疑一時來斷送
bô-gî tsi̍t-sî lâi tuān-sàng
因何離開著鄉村
in-hô lī-khui tio̍h hiong-tshuan
無想阮一人
bô siūnn gún tsi̍t-lâng
因為毋願交別人
in-uī m̄-guān kau pa̍t-lâng
才會心情挐氅氅
tsiah ē sim-tsîng jû-tsháng-tsháng
陣陣暗風吹入窗
tsūn-tsūn àm-hong tshue ji̍p thang
較想也是你一人
khah siūnn iā-sī lí tsi̍t-lâng
