希望轉去你身邊
《希望轉去你身邊》Hi-bāng Tńg-khì Lí Sin-pinn
蕭福德Siau Hok-tik
——————————————
心愛的Honey
sim-ài ê Honey
我已經欲離開
guá í-king beh lī-khui
這改離開
tsit-kái lī-khui
可能著愛幾若年
khó-lîng tio̍h-ài kuí-lō nî
無論過去
bô-lūn kuè-khì
發生啥代誌
huat-sing siánn tāi-tsì
阮攏總是疼你
gún lóng-tsóng sī thiànn lí
心愛的Honey
sim-ài ê Honey
阮毋是毋轉去
gún m̄-sī m̄ tńg–khì
因為阮無愛
in-uī gún bô-ài
予人看無起
hōo-lâng khuànn-bô-khí
為著疼你
uī-tio̍h thiànn lí
只好離開
tsí-hó lī-khui
袂當轉去
buē-tàng tńg–khì
I am so so sorry
佇這个繁華的都市
tī tsit ê huân-huâ ê too-tshī
阮有時攏會想著你
gún ū-sî lóng ē siūnn-tio̍h lí
想起細漢彼當時
siūnn-khí sè-hàn hit-tong-sî
阮佮你做伙炕番薯
gún kah lí tsò-hué khòng han-tsî
佇這个繁華的都市
tī tsit ê huân-huâ ê too-tshī
阮已經成功出頭天
gún í-king sîng-kong tshut-thâu-thinn
阮真希望早一日
gún tsin hi-bāng tsá tsi̍t-ji̍t
倒轉去你身邊
tò-tńg-khì lí sin-pinn
