今仔日的赤赤
《今仔日的赤赤》Kin-á-ji̍t ê Tshiah-tshiah
顏子晴Gân Tsú-tsîng
——————————————
迷人的音樂聲
bê-lâng ê im-ga̍k-siann
予我有歡喜的心情
hōo guá ū huann-hí ê sim-tsiânn
阮想欲佮你跳赤赤
gún siūnn-beh kah lí thiàu tshiah-tshiah
跳出一首快樂的赤赤
thiàu tshut tsi̍t-siú khuài-lo̍k ê tshiah-tshiah
啊~ ah~
鑠拍的五彩光線
siak-phah ê ngóo-tshái kng-suànn
照著咱雙人影
tsiò tio̍h lán siang-lâng iánn
我來牽你
guá-lâi khan lí
你牽我
lí khan guá
跳出一首愛情的赤赤
thiàu tshut tsi̍t-siú ài-tsîng ê tshiah-tshiah
今仔日的赤赤
kin-á-ji̍t ê tshiah-tshiah
有酸酸甜甜的感覺
ū sng-sng tinn-tinn ê kám-kak
一首赤赤的歌
tsi̍t-siú tshiah-tshiah ê kua
予咱跳跳跳啊
hōo lán thiàu thiàu thiàu–ah
跳袂煞
thiàu buē-suah
今仔日的赤赤
kin-á-ji̍t ê tshiah-tshiah
阮欲陪你
gún beh puê lí
做陣到深夜
tsuè-tīn kàu tshim-iā
有你做我的舞伴
ū lí tsuè guá ê bú-phuānn
予我永遠袂孤單
hōo guá íng-uán buē koo-tuann
赤赤啊赤赤啊
tshiah-tshiah–ah tshiah-tshiah–ah
當時行
tng sî-kiânn
赤赤啊赤赤啊
tshiah-tshiah–ah tshiah-tshiah–ah
有你陪伴
ū lí puê-phuānn
赤赤啊赤赤啊
tshiah-tshiah–ah tshiah-tshiah–ah
雙人影
siang-lâng iánn
赤赤啊赤赤啊
tshiah-tshiah–ah tshiah-tshiah–ah
有你有我
ū lí ū guá
