守護
《守護》Siú-hōo
荒山亮Hong-san Liāng
——————————————
行過無人行過的路
kiânn kuè bô-lâng kiânn–kuè ê lōo
體會無人知的苦
thé-huē bô-lâng tsai ê khóo
一路搖搖幌幌
tsi̍t-lōo iô-iô-hàinn-hàinn
咧揣啊揣
teh tshuē–ah tshuē
後一站的旅程佇佗
āu tsi̍t-tsām ê lú-tîng tī toh
春天寄來的彼張批
tshun-thinn kià–lâi ê hit tiunn phue
寫著滿滿的心聲
siá tio̍h muá-muá ê sim-siann
咧傾訴
leh khing-sòo
青春的勇氣
tshing-tshun ê ióng-khì
?你飛啊飛
tshuā lí pue–ah pue
欲揣家己的快樂幸福
beh tshuē ka-tī ê khuài-lo̍k hīng-hok
人生的路
jîn-sing ê lōo
一步一步
tsi̍t-pōo-tsi̍t-pōo
行過考驗的起起落落
kiânn kuè khó-giām ê khí-khí-lo̍h-lo̍h
有時好天
ū-sî hó-thinn
有時透風落雨
ū-sî thàu-hong lo̍h-hōo
認真感受性命的溫度
jīn-tsin kám-siū sìnn-miā ê un-tōo
人生滋味
jîn-sing tsu-bī
有甜有苦
ū tinn ū khóo
鹹汫攏佇家己手中
kiâm-tsiánn lóng tī ka-tī tshiú-tiong
有一種愛
ū tsi̍t-tsióng ài
一直為你咧守護
it-ti̍t uī lí teh siú-hōo
佇茫茫人海浮沉
tī bâng-bâng jîn-hái phû-tîm
袂閣再迷茫
buē koh-tsài bê-bông
春天寄來的彼張批
tshun-thinn kià–lâi ê hit tiunn phue
寫著滿滿的心聲
siá tio̍h muá-muá ê sim-siann
欲傾訴
beh khing-sòo
青春的勇氣
tshing-tshun ê ióng-khì
?你飛啊飛
tshuā lí pue–ah pue
欲揣家己的快樂幸福
beh tshuē ka-tī ê khuài-lo̍k hīng-hok
—
紛紛擾擾的喧鬧中
hun-hun-jiáu-jiáu ê suan-nāu tiong
我看著溫柔
guá khuànn-tio̍h un-jiû
寬容的笑容
khuan-iông ê tshiò-iông
望你會平安
bāng lí ē pîng-an
望你會成長
bāng lí ē sîng-tióng
笑笑面對所有的煩惱
tshiò-tshiò bīn-tuì sóo-ū ê huân-ló
笑笑面對所有的成功
tshiò-tshiò bīn-tuì sóo-ū ê sîng-kong
