好味
《好味》Hó-bī
琇琴Siù-khîm
——————————————
珠淚的鹹味
tsu-luī ê kiâm-bī
唱出路途的傷悲
tshiùnn-tshut lōo-tôo ê siong-pi
心碎的酸味
sim-tshuì ê sng-bī
寫著坎坷的過程
siá tio̍h khám-khiat ê kuè-tîng
笑容的甜味
tshiò-iông ê tinn-bī
講出圓滿的意義
kóng-tshut uân-buán ê ì-gī
你若失志失去家己
lí nā sit-tsì sit-khì ka-kī
這盤鹹酸甜送予你
tsit puânn kiâm-sng-tinn sàng hōo lí
芫荽的芳味
iân-sui ê phang-bī
小人物嘛有奇蹟
sió jîn-bu̍t mā ū kî-tsik
番薯的個性
han-tsî ê kò-sìng
活出性命的勇氣
ua̍h tshut sìnn-miā ê ióng-khì
苦瓜的苦味
khóo-kue ê khóo-bī
入喉回甘若蜜甜
ji̍p-âu huê-kam ná bi̍t tinn
環境毋管按怎酷刑
khuân-kíng m̄-kuán án-tsuánn khok-hîng
一欉稻米一門學習
tsi̍t-tsâng tiū-bí tsi̍t-mn̂g ha̍k-si̍p
希望你心涼脾土開
hi-bāng lí sim liâng pî-thóo khui
歡喜看世間人情味
huann-hí khuànn sè-kan jîn-tsîng bī
添柴擔水
thinn tshâ tann tsuí
煮食好味的人生
tsú-tsia̍h hó-bī ê jîn-sing
祝福你心涼脾土開
tsiok-hok lí sim liâng pî-thóo khui
慈悲的碗箸攢袂停
tsû-pi ê uánn-tī tshuân buē-thîng
每一種滋味
muí tsi̍t-tsióng tsu-bī
豐沛一款心情
phong-phài tsi̍t-khuán sim-tsîng
