退色的相思夢
《退色的相思夢》Thè-sik ê Siunn-si Bāng
林翠萍Lîm Tshuì-phîng
——————————————
世事滄桑
sè-sū tshong-song
夢醒一場空
bāng-tshínn tsi̍t-tiûnn khang
世間痴情我一人
sè-kan tshi-tsîng guá tsi̍t-lâng
每日為你戇戇等
muí-ji̍t uī lí gōng-gōng tán
等君何日來回航
tán kun hô-ji̍t lâi huê-hâng
船煙船煙白茫茫
tsûn-ian tsûn-ian pe̍h-bâng-bâng
思君思君目箍紅
su kun su kun ba̍k-khoo âng
明知袂當照心願
bîng-tsai buē-tàng tsiàu sim-guān
心情沉重挐氅氅
sim-tsîng tîm-tāng jû-tsháng-tsháng
痴痴等待望啊望
tshi-tshi tán-thāi bāng–ah bāng
惜別的樓窗
sioh-pia̍t ê lâu-thang
傷心的海港
siong-sim ê hái-káng
退色的相思夢
thè-sik ê siunn-si bāng
