溫暖的土地
《溫暖的土地》Un-luán ê Thóo-tē
洪瑞襄Âng Suī-siong
——————————————
來到這片溫暖的的土地
lâi-kàu tsit phiàn un-luán ê ê thóo-tē
帶著夢想一个家
tài tio̍h bāng-sióng tsi̍t-ê ke
世間冷暖像落雪
sè-kan líng-luán tshiūnn lo̍h-seh
只要有你來行做伙
tsí-iàu ū lí lâi kiânn tsuè-hué
雖然人情
sui-jiân jîn-tsîng
比紙閣較薄
pí tsuá koh-khah po̍h
親情是阮的倚靠
tshin-tshîng sī gún ê uá-khò
將心交予你看顧
tsiong sim kau hōo lí khuànn-kòo
管伊透風又閣落雨
kuán i thàu-hong iū-koh lo̍h-hōo
流汗鋪成這條路
lâu-kuānn phoo sîng tsit tiâu lōo
踏著沉重的跤步
ta̍h-tio̍h tîm-tāng ê kha-pōo
雖然行甲遮辛苦
sui-jiân kiânn kah tsiah sin-khóo
為著將來的幸福
uī-tio̍h tsiong-lâi ê hīng-hok
只要綴你
tsí-iàu tuè lí
一步閣一步
tsi̍t-pōo koh tsi̍t-pōo
阮毋驚天有偌烏
gún m̄-kiann thinn ū guā oo
有你來點著月光
ū lí lâi tiám tio̍h gue̍h-kng
照著阮的路
tsiò tio̍h gún ê lōo
用希望畫人生的圖
iōng hi-bāng uē jîn-sing ê tôo
只要綴你
tsí-iàu tuè lí
一步閣一步
tsi̍t-pōo koh tsi̍t-pōo
阮毋驚天有偌烏
gún m̄-kiann thinn ū guā oo
有你來點著月光
ū lí lâi tiám tio̍h gue̍h-kng
照著阮的路
tsiò tio̍h gún ê lōo
用希望畫人生的圖
iōng hi-bāng uē jîn-sing ê tôo
