倫巴情歌
《倫巴情歌》Lùn-bah Tsîng-kua
洪榮宏Âng Îng-hông
——————————————
一首倫巴的情歌
tsi̍t-siú lùn-bah ê tsîng-kua
深深唱入阮心肝
tshim-tshim tshiùnn ji̍p gún sim-kuann
輕輕舞步
khin-khin bú-pōo
踏出你佮我
ta̍h-tshut lí kah guá
兩人意愛無拖沙
nn̄g-lâng ì-ài bô thua-sua
懷念倫巴的情歌
huâi-liām lùn-bah ê tsîng-kua
唱出美麗的牽掛
tshiùnn-tshut bí-lē ê khian-kuà
夢中永遠
bāng-tiong íng-uán
攏是你佮我
lóng-sī lí kah guá
踮在舞池相依倚
tiàm-tsāi bú-tî sio i-uá
當初咱有咒誓
tong-tshoo lán ū tsiù-tsuā
一世人欲做伴
tsi̍t-sì-lâng beh tsuè-phuānn
兩粒心袂變卦
nn̄g-lia̍p sim buē piàn-kuà
毋通為愛折磨
m̄-thang uī ài tsiat-buâ
踮舞池跳倫巴
tiàm bú-tî thiàu lùn-bah
咱唱一首情歌
lán tshiùnn tsi̍t-siú tsîng-kua
你是我的性命
lí sī guá ê sìnn-miā
永遠袂離開我
íng-uán buē lī-khui guá
