蓋世英雄
《蓋世英雄》Kài-sè Ing-hiông
王中平Ông Tiong-pîng
——————————————
立志在四方
li̍p-tsì tsāi sù-hong
意志愛堅強
ì-tsì ài kian-kiông
人生本就變化無常
jîn-sing pún tiō piàn-huà bû-siông
有時會起
ū-sî ē khí
嘛會有落
mā ē ū lo̍h
成功的路途
sîng-kong ê lōo-tôo
無啥物撇步
bô-siánn-mih phiat-pōo
就算愛受盡所有苦
tsiū-sǹg ài siū-tsīn sóo-ū khóo
也著愛當做是食補
iā tio̍h-ài tòng-tsuè sī tsia̍h-póo
毋管別人按怎講
m̄-kuán pa̍t-lâng án-tsuánn kóng
猶原愛追求自己的理想
iu-guân ài tui-kiû tsū-kí ê lí-sióng
雖然有滿腹的苦衷
sui-jiân ū muá-pak ê khóo-thiong
也著愛繼續向前衝
iā tio̍h-ài kè-sio̍k hiòng-tsiân tshiong
咱攏是蓋世的英雄
lán lóng-sī kài-sè ê ing-hiông
恬恬仔拍拚為理想
tiām-tiām-á phah-piànn uī lí-sióng
每一个成功的笑容
muí tsi̍t-ê sîng-kong ê tshiò-iông
嘛會有失敗的悲傷
mā ē ū sit-pāi ê pi-siong
咱攏是蓋世的英雄
lán lóng-sī kài-sè ê ing-hiông
慢慢仔行過坎坷路
bān-bān-á kiânn kuè khám-khiat lōo
將艱苦化做為力量
tsiong kan-khóo huà-tsò uî li̍k-liōng
只要堅持
tsí-iàu kian-tshî
就會成功
tiō ē sîng-kong
