媽媽請你相信我
《媽媽請你相信我》Má-mah Tshiánn Lí Siong-sìn Guá
余天龍Î Thian-liông
——————————————
離開故鄉幾若冬
lī-khui kòo-hiong kuí-lō tang
夜鶯啼叫心沉重
iā-ing thî-kiò sim tîm-tāng
想起細漢的事項
siūnn-khí sè-hàn ê sū-hāng
怎袂傷心目箍紅
tsuánn buē siong-sim ba̍k-khoo âng
媽媽交代有講過
má-mah kau-tài ū kóng–kuè
出外認真做工課
tshut-guā jīn-tsin tsuè khang-khuè
當初無聽媽媽的話
tong-tshoo bô thiann má-mah ê uē
如今才著來受罪
jû-kim tsiah tio̍h lâi siū-tsuē
啊~媽媽請你相信我
ah~ má-mah tshiánn lí siong-sìn guá
袂枉費你飼我遮爾大
buē óng-huì lí tshī guá tsiah-nī tuā
我會認真來拍拚
guá ē jīn-tsin lâi phah-piànn
為著將來好名聲
uī-tio̍h tsiong-lâi hó miâ-siann
早日轉來阮故鄉
tsá-ji̍t tńg-lâi gún kòo-hiong
媽媽身邊來做伴
má-mah sin-pinn lâi tsuè-phuānn
