孤單夜
《孤單夜》Koo-tuann Iā
麗蓉Lē-iông
——————————————
聽窗外落葉聲
thiann thang-guā lo̍h-hio̍h siann
陣陣擾亂心情
tsūn-tsūn jiáu-luān sim-tsiânn
為何又是孤單夜
uī-hô iū sī koo-tuann iā
想分開彼日
siūnn hun-khui hit-ji̍t
慢慢消失的背影
bān-bān siau-sit ê puē-iánn
痛苦心情
thòng-khóo sim-tsiânn
像刀咧割
tshiūnn to teh kuah
嘛毋敢哭出聲
mā m̄-kánn khàu tshut-siann
對你關心牽掛
tuì lí kuan-sim khian-kuà
已經無分日夜
í-king bô-hun ji̍t-iā
請問你敢有像我
tshiánn-mn̄g lí kám ū tshiūnn guá
受盡思念折磨
siū-tsīn su-liām tsiat-buâ
啊~想你
ah~ siūnn lí
賰相片陪伴
tshun siòng-phìnn puê-phuānn
你若毋轉來
lí nā m̄ tńg–lâi
叫我欲怎樣活
kiò guá beh tsuánn-iūnn ua̍h