問你一句心內話
《問你一句心內話》Mn̄g Lí Tsi̍t-kù Sim-lāi Uē
楊宗憲Iûnn Tsong-hiàn
——————————————
孤單一个伴明月
koo-tuann tsi̍t-ê phuānn bîng-gue̍h
冷風陣陣對面吹
líng-hong tsūn-tsūn tuì bīn tshue
心內有一个問題
sim-lāi ū tsi̍t-ê būn-tuê
如今猶原咧走揣
jû-kim iu-guân teh tsáu-tshuē
想起你我的經過
siūnn-khí lí guá ê king-kuè
純情的話規大堆
sûn-tsîng ê uē kui-tuā-tui
看你佮別人做伙
khuànn lí kah pa̍t-lâng tsò-hué
痛苦藏入心肝底
thòng-khóo tshàng ji̍p sim-kuann-té
為你放棄了機會
uī lí hòng-khì liáu ki-huē
啊~為你放捒了一切
ah~ uī lí pàng-sak liáu it-tshè
我的真情真意
guá ê tsin-tsîng tsin-ì
咱的山盟海誓
lán ê san-bîng hái-sè
啊~哪會全部墜落地
ah~ ná ē tsuân-pōo tuī lo̍h-tē
啊~問你一句心內話
ah~ mn̄g lí tsi̍t-kù sim-lāi uē
對你懷疑遐爾濟
tuì lí huâi-gî hiah-nī tsuē
只有講予詳細
tsí-ū kóng hōo siông-sè
只有表明坦白
tsí-ū piáu-bîng thán-pe̍h
毋通予我戇戇踅
m̄-thang hōo guá gōng-gōng se̍h
問你一句心內話
mn̄g lí tsi̍t-kù sim-lāi uē
請你毋通驚歹勢
tshiánn lí m̄-thang kiann pháinn-sè
毋是欲你賠罪
m̄-sī beh lí puê-tsuē
毋是想欲挽回
m̄-sī siūnn-beh bán-huê
愛你的我
ài lí ê guá
無後悔
bô hiō-hué
