一生的心疼
《一生的心疼》It-sing ê Sim-thiànn
楊宗憲Iûnn Tsong-hiàn
——————————————
想起咱過去一段
siūnn-khí lán kuè-khì tsi̍t-tuānn
親像一粒火星
tshin-tshiūnn tsi̍t-lia̍p hué-tshinn
來吞落心肝
lâi thun lo̍h sim-kuann
明明就無風
bîng-bîng tiō bô hong
目睭內哪有沙
ba̍k-tsiu lāi ná-ū sua
目屎親像
ba̍k-sái tshin-tshiūnn
佇咧流汗
tī-leh lâu-kuānn
茫茫渺渺
bông-bông-biáu-biáu
你踮佗位
lí tiàm tó-uī
我欲按怎看
guá beh án-tsuánn khuànn
日頭赤焱焱
ji̍t-thâu tshiah iānn-iānn
想你甲無心情
siūnn lí kah bô-sim-tsiânn
啊~我送你一逝
ah~ guá sàng lí tsi̍t-tsuā
啊~請你慢慢行
ah~ tshiánn lí bān-bān kiânn
你的心內踅來踅去
lí ê sim-lāi se̍h-lâi-se̍h-khì
敢是我的名
kám-sī guá ê miâ
啊~風吹心袂定
ah~ hong tshue sim buē-tiānn
啊~恬恬看無影
ah~ tiām-tiām khuànn-bô iánn
你是我袂當放袂記
lí sī guá buē-tàng pàng-buē-kì
一生的心疼
it-sing ê sim-thiànn
