迎新年
《迎新年》Ngiâ Sin-nî
黃瑞琪N̂g Suī-kî
——————————————
迎新正
ngiâ sin-tsiann
賀新正
hō sin-tsiann
鑼鼓八音鬧大廳
lô-kóo pat-im nāu tuā-thiann
一家大細
tsi̍t-ke tuā-suè
穿著新鞋佮新衫
tshīng tio̍h sin-uê kah sin-sann
快快樂樂笑哈哈
khuài-khuài-lo̍k-lo̍k tshiò ha-ha
爸爸媽媽對阮真正疼
pá-pah má-mah tuì gún tsin-tsiànn thiànn
講欲?阮來去看電影
kóng beh tshuā gún lâi-khì khuànn tiān-iánn
行啊行啊緊來行
kiânn–ah kiânn–ah kín lâi kiânn
若無較緊咧
nā bô khah-kín–leh
買無戲票
bé-bô hì-phiò
啊彼陣欲按怎
ah hit-tsūn bueh án-tsuánn
正月時
tsiann-ge̍h sî
正月時
tsiann-ge̍h sî
人山人海趕花市
jîn-san jîn-hái kuánn hue-tshī
家家戶戶
ke-ke hōo-hōo
點燈結綵笑咪咪
tiám-ting kat-tshái tshiò bi-bi
規日炮聲響連天
kui-ji̍t phàu-siann hiáng liân-thinn
爸爸媽媽心內真歡喜
pá-pah má-mah sim-lāi tsin huann-hí
講欲?阮遊山佮玩水
kóng beh tshuā gún iû-san kah uán-suí
緊啊緊啊緊來去
kín–ah kín–ah kín lâi-khì
若無較緊咧
nā bô khah-kín–leh
坐無tha-khú-sih
tsē-bô tha-khú-sih
啊彼陣著哭氣
ah hit-tsūn tio̍h khàu-khì
過新年
kè sin-nî
賀新年
hō sin-nî
大家恭喜大趁錢
tāi-ke kiong-hí tuā thàn-tsînn
大廳桌頂
tuā-thiann toh-tíng
糖仔瓜子滿滿是
thn̂g-á kue-tsí muá-muá-sī
囡仔食甲笑咪咪
gín-á tsia̍h kah tshiò bi-bi
爸爸媽媽坐在阮身邊
pá-pah má-mah tsē tsāi gún sin-pinn
有講有笑快樂無地比
ū-kóng ū-tshiò khuài-lo̍k bô-tè pí
嘻嘻哈哈真趣味
hi-hi-ha-ha tsin tshù-bī
希望今年
hi-bāng kin-nî
事事平安
sū-sū pîng-an
啊萬項會四序
ah bān-hāng ē sù-sī
