緣份的鎖鍊
《緣份的鎖鍊》Iân-hūn ê Só-liān
楊小萍Iûnn Sió-phîng
——————————————
緣份親像鎖鍊
iân-hūn tshin-tshiūnn só-liān
相欠債相牽連
sio-khiàm-tsè sio-khan-liân
牽袂成是無緣
khan buē sîng sī bô-iân
牽袂久是緣份淺
khan buē kú sī iân-hūn tshián
無感情的牽連
bô kám-tsîng ê khan-liân
親像啞口仔食黃連
tshin-tshiūnn é-káu-á tsia̍h n̂g-lián
啞口仔食黃連
é-káu-á tsia̍h n̂g-lián
不應該的孽緣
put-ing-kai ê gia̍t-iân
可比鼎底油咧煎
khó-pí tiánn-té iû teh tsian
有緣無份奈何天
ū iân bô hūn nāi-hô thian
無緣有愛上可憐
bô iân ū ài siōng khó-liân
啊~緣份的鎖鍊
ah~ iân-hūn ê só-liān
為何牽阮來墮落
uī-hô khan gún lâi tuī-lo̍h
墮落苦海的深淵
tuī-lo̍h khóo-hái ê tshim-ian
