雨夜薄命花
《雨夜薄命花》Ú-iā Po̍k-bīng Hue
陳芬蘭Tân Hun-lân
——————————————
毋知怎樣心慒慒
m̄-tsai tsuánn-iūnn sim tso-tso
人又消瘦無元氣
lâng iū siau-sán bô guân-khì
齷齪的雨水聲音
ak-tsak ê hōo-tsuí siann-im
落甲規半暝
lo̍h kah kui puànn-mî
看窗外雨沃花欉
khuànn thang-guā hōo ak hue-tsâng
感嘆怨自己
kám-thàn uàn tsū-kí
想現在運命親像
siūnn hiān-tsāi ūn-miā tshin-tshiūnn
雨中的花枝
ú-tiong ê hue-ki
明知佮伊無緣份
bîng-tsai kah i bô iân-hūn
想欲看破來分離
siūnn-beh khuànn-phuà lâi hun-lî
有時也悲嘆身世
ū-sî iā pi-thàn sin-sè
也會想著伊
iā ē siūnn-tio̍h i
阮只有吞聲忍哭
gún tsí-ū thun-siann jím-khì
聽著雨水滴
thiann-tio̍h hōo-tsuí tih
怨嘆著養女命運
uàn-thàn tio̍h ióng-lú miā-ūn
爸母重金錢
pē-bú tiōng kim-tsînn
無情風雨落規暝
bô-tsîng hong-hōo lo̍h kui-mî
憂愁目屎澹目墘
iu-tshiû ba̍k-sái tâm ba̍k-kînn
引起我自嘆自恨
ín-khí guá tsū-thàn tsū-hūn
人生無滋味
jîn-sing bô tsu-bī
期待欲重見光明
kî-thāi beh tiông-kiàn kong-bîng
幸福過日子
hīng-hok kè ji̍t-tsí
變成了一場空夢
piàn-sîng liáu tsi̍t-tiûnn khang-bāng
一年過一年
tsi̍t-nî kè tsi̍t-nî
變成了一場空夢
piàn-sîng liáu tsi̍t-tiûnn khang-bāng
一年過一年
tsi̍t-nî kè tsi̍t-nî
變成了一場空夢
piàn-sîng liáu tsi̍t-tiûnn khang-bāng
一年過一年
tsi̍t-nî kè tsi̍t-nî
