愛何必講出來
《愛何必講出來》Ài Hô-pit Kóng–tshut-lâi
郭金發Kueh Kim-huat
——————————————
深深的愛在心內
tshim-tshim ê ài tsāi sim-lāi
毋敢對你講出來
m̄-kánn tuì lí kóng–tshut-lâi
因為你我自細漢
in-uī lí guá tsū suè-hàn
只有兄妹的情愛
tsí-ū hiann-muē ê tsîng-ài
如今叫我
jû-kim kiò guá
怎樣對你
tsuánn-iūnn tuì lí
表明我的愛
piáu-bîng guá ê ài
如今你我毋通閣再
jû-kim lí guá m̄-thang koh-tsài
隱瞞在心肝內
ún-muâ tsāi sim-kuann-lāi
深深的愛在心內
tshim-tshim ê ài tsāi sim-lāi
毋知怎樣來排解
m̄-tsai tsuánn-iūnn lâi pâi-kái
你應該也會了解
lí ing-kai iā ē liáu-kái
我的真情佮真愛
guá ê tsin-tsîng kah tsin-ài
我知影你的心內
guá tsai-iánn lí ê sim-lāi
有話毋敢講出來
ū uē m̄-kánn kóng–tshut-lâi
因為你我自細漢
in-uī lí guá tsū suè-hàn
只有兄妹的情愛
tsí-ū hiann-muē ê tsîng-ài
如今我也應該對你
jû-kim guá iā ing-kai tuì lí
表明我的愛
piáu-bîng guá ê ài
如今你也應該
jû-kim lí iā ing-kai
接受我對你的真愛
tsiap-siū guá tuì lí ê tsin-ài
深深的愛在心內
tshim-tshim ê ài tsāi sim-lāi
毋驚別人來阻礙
m̄-kiann pa̍t-lâng lâi tsóo-gāi
你我互相攏了解
lí guá hōo-siong lóng liáu-kái
何必著愛講出來
hô-pit tio̍h-ài kóng–tshut-lâi
