機場思嘆
《機場思嘆》Ki-tiûnn Su Thàn
方瑞娥Png Suī-ngôo
——————————————
心愛的
sim-ài–ê
請你原諒
tshiánn lí guân-liōng
原諒我是佇咧騙你
guân-liōng guá sī tī-teh phiàn lí
我知影總有一日
guá tsai-iánn tsóng ū-tsi̍t-ji̍t
總有一日
tsóng ū-tsi̍t-ji̍t
會來離開你
ē lâi lī-khui lí
實在我是不得已
si̍t-tsāi guá sī put-tik-í
實在我是不得已
si̍t-tsāi guá sī put-tik-í
不得已
put-tik-í
飛機咧欲起飛彼時
hui-ki teh-bueh khí-pue hit-sî
希望會當看著你
hi-bāng ē-tàng khuànn-tio̍h lí
啊~誰知窗門外
ah~ siáng tsai thang-mn̂g guā
只有飄零的草枝
tsí-ū phiau-lîng ê tsháu-ki
心愛的
sim-ài–ê
請你相信
tshiánn lí siong-sìn
相信我
siong-sìn guá
無愛佮你分開
bô-ài kah lí hun-khui
我知影總有一日
guá tsai-iánn tsóng ū-tsi̍t-ji̍t
總有一日誤會我虛偽
tsóng ū-tsi̍t-ji̍t gōo-huē guá hi-guī
實在我是暗吐氣
si̍t-tsāi guá sī àm thóo-khuì
實在我是暗吐氣
si̍t-tsāi guá sī àm thóo-khuì
暗吐氣
àm thóo-khuì
飛機飛在空中彼時
hui-ki pue tsāi khong-tiong hit-sî
心內也咧思念你
sim-lāi iā teh su-liām lí
啊~心肝像針揻
ah~ sim-kuann tshiūnn tsiam ui
白雲伴阮滴珠淚
pe̍h-hûn phuānn gún tih tsu-luī
