暫時無想欲談戀愛
《暫時無想欲談戀愛》Tsiām-sî Bô Siūnn-beh Tâm-luân-ài
金佩玉Kim Puē-gio̍k
——————————————
問阮啥物叫做愛
mn̄g gún siánn-mih kiò-tsuè ài
阮也無啥了解
gún iā bô-siánn liáu-kái
佮你熟似也無幾工
kah lí si̍k-sāi iā bô kuí-kang
毋敢談情愛
m̄-kánn tâm-tsîng-ài
雖然有時佮你見面
sui-jiân ū-sî kah lí kìnn-bīn
心頭總會乓乓跳
sim-thâu tsóng ē phōng-phōng thiàu
跳甲真厲害
thiàu kah tsin lī-hāi
阮總是愛忍耐
gún tsóng-sī ài jím-nāi
總講是人阮暫時
tsóng-kóng sī lâng gún tsiām-sî
無想欲談戀愛
bô siūnn-beh tâm-luân-ài
初出社會
tshoo tshut-siā-huē
無隨便就來談情說愛
bô suî-piān tiō lâi tâm-tsîng sueh-ài
互相尊重
hōo-siong tsun-tiōng
互相自愛
hōo-siong tsū-ài
毋通亂亂來
m̄-thang luān-luān-lâi
暫時將愛藏在心內
tsiām-sî tsiong ài tshàng tsāi sim-lāi
予阮慢慢了解著
hōo gún bān-bān liáu-kái tio̍h
啥物叫做愛
siánn-mih kiò-tsuè ài
彼時陣你才來
hit-sî-tsūn lí tsiah lâi
目前是朋友感情
bo̍k-tsiân sī pîng-iú kám-tsîng
請你著愛忍耐
tshiánn lí tio̍h-ài jím-nāi
