情茫茫
《情茫茫》Tsîng Bâng-bâng
林喬安Lîm Kiâu-an
——————————————
總是為著你
tsóng-sī uī-tio̍h lí
來面紅紅
lâi bīn âng-âng
看迷人的笑容
khuànn bê-lâng ê tshiò-iông
絞亂阮心房
ká-luān gún sim-pâng
佮意為著你
kah-ì uī-tio̍h lí
妝甲媠噹噹
tsng kah suí-tang-tang
情路久長
tsîng-lōo kú-tn̂g
彼是阮的希望
he sī gún ê hi-bāng
期待穿新娘衫彼一工
kî-thāi tshīng sin-niû-sann hit-tsi̍t-kang
你怎樣
lí tsuánn-iūnn
放開我手中的頭鬃
pàng-khui guá tshiú-tiong ê thâu-tsang
雨中的目屎
hōo-tiong ê ba̍k-sái
愈滴愈沉重
jú tih jú tîm-tāng
有偌濟的心事
ū guā-tsuē ê sim-sū
佇心內藏
tī sim-lāi tshàng
雺霧中的情路茫茫
bông-bū tiong ê tsîng-lōo bâng-bâng
只會當嘆緣份無望
tsí ē-tàng thàn iân-hūn bô-bāng
一个人行過這場夢
tsi̍t-ê-lâng kiânn kuè tsit tiûnn bāng
夢中猶原熟悉的樓窗
bāng-tiong iu-guân si̍k-sik ê lâu-thang
雺霧中的情路茫茫
bông-bū tiong ê tsîng-lōo bâng-bâng
只會當嘆將手錯放
tsí ē-tàng thàn tsiong tshiú tshò-pàng
一个人行過這寒冬
tsi̍t-ê-lâng kiânn kuè tse hân-tang
冬去春來
tang khì tshun lâi
四界花又芳
sì-kè hue iū phang
