心頭挐氅氅
《心頭挐氅氅》Sim-thâu Jû-tsháng-tsháng
青青Tshing-tshing
——————————————
越頭看情人
ua̍t-thâu khuànn tsîng-lâng
害阮心茫茫
hāi gún sim bâng-bâng
怎樣激戇戇
tsuánn-iūnn kik gōng-gōng
哪會像戇人
ná ē tshiūnn gōng-lâng
愈想愈怨嘆
jú siūnn jú uàn-thàn
心頭挐氅氅
sim-thâu jû-tsháng-tsháng
毋知為著啥物項
m̄-tsai uī-tio̍h siánn-mih hāng
對阮遮疏遠
tuì gún tsiah soo-uán
越頭看情人
ua̍t-thâu khuànn tsîng-lâng
害阮心茫茫
hāi gún sim bâng-bâng
怎樣目箍紅
tsuánn-iūnn ba̍k-khoo âng
予阮心毋甘
hōo gún sim m̄-kam
愈想愈怨嘆
jú siūnn jú uàn-thàn
心頭挐氅氅
sim-thâu jû-tsháng-tsháng
毋知為著啥物項
m̄-tsai uī-tio̍h siánn-mih hāng
叫阮怎樣辦
kiò gún tsánn-iūnn pān
