初次見面

《初次見面》Tshoo-tshù Kìnn-bīn
朱海君Tsu Hái-kun
——————————————
初次見面
tshoo-tshù kìnn-bīn
想袂到我
siūnn buē-kàu guá
對你一見鍾情
tuì lí it-kiàn tsiong-tsîng
落雨的暗暝
lo̍h-hōo ê àm-mî
無法阻止
bô-huat tsóo-tsí
想你的表情
siūnn lí ê piáu-tsîng
酸甘蜜甜
sng-kam bi̍t-tinn
煩惱憂愁
huân-ló iu-tshiû
這是我愛的證明
tse sī guá ài ê tsìng-bîng
想過欲放棄這段過去
siūnn kuè beh hòng-khì tsit tuānn kuè-khì
人生另揣意義
jîn-sing līng tshuē ì-gī
閣想也是無彩工
koh siūnn iā-sī bô-tshái-kang
無法度控制
bô-huat-tōo khòng-tsè
我心意撩亂
guá sim-ì liâu-luān
你敢無仝款想法
lí kám bô kāng-khuán siūnn-huat
當做一時感情錯亂
tòng-tsuè tsi̍t-sî kám-tsîng tshò-luān
其實我攏知影
kî-si̍t guá lóng tsai-iánn
我佮你的緣份到遮
guá kah lí ê iân-hūn kàu tsia
後改閣會相拄
āu-kái koh ē sio-tú
天公伯莫閣創治啦
thinn-kong-peh mài koh tshòng-tī–lah
情若像海
tsîng ná-tshiūnn hái
我海底摸針啊
guá hái-té bong tsiam–ah
一絲希望
tsi̍t-si hi-bāng
也予我有向望
iā hōo guá ū ǹg-bāng
其實我嘛知影
kî-si̍t guá mā tsai-iánn
我佮你無希望閣行
guá kah lí bô hi-bāng koh kiânn
另工閣會相拄
līng-kang koh ē sio-tú
只是我勉強的牽拖
tsí-sī guá bián-kióng ê khan-thua
若愛你
nā ài lí
是一場無結果的夢影
sī tsi̍t tiûnn bô kiat-kó ê bāng-iánn
我甘願佇這場空
guá kam-guān tī tsit tiûnn khang
過一世人
kuè tsi̍t-sì-lâng

您可能也會喜歡…

跳至工具列