出航
《出航》Tshut-hâng
東方美Tang-hong-bí
——————————————
心愛伊是行船人
sim-ài i sī kiânn-tsûn-lâng
今日又閣欲出航
kim-ji̍t iū-koh bueh tshut-hâng
為著將來的願望
uī-tio̍h tsiong-lâi ê guān-bāng
忍著心酸來相送
jím tio̍h sim-sng lâi sio-sàng
船隻茫茫來離港
tsûn-tsiah bâng-bâng lâi lî-káng
阮的目箍漸漸紅
gún ê ba̍k-khoo tsiām-tsiām âng
想著過去
siūnn-tio̍h kuè-khì
你我情義重
lí guá tsîng-gī tāng
分開實在真毋甘
hun-khui si̍t-tsāi tsin m̄-kam
大聲叫著心愛的人
tuā-siann kiò tio̍h sim-ài ê lâng
望你早日來回航
bāng lí tsá-ji̍t lâi huê-hâng
