放風吹
《放風吹》Pàng Hong-tshue
等阮返來(等阮轉來樂團Tán Gún Tńg–lâi Ga̍k-thuân)
——————————————
哪會講袂出喙
ná ē kóng buē tshut-tshuì
佇遮戇戇踅
tī tsia gōng-gōng se̍h
親像風吹
tshin-tshiūnn hong-tshue
飛踮你身邊
pue tiàm lí sin-pinn
煞毋知日子
suah m̄-tsai ji̍t-tsí
苦苦等待你一句話
khóo-khóo tán-thāi lí tsi̍t-kù uē
等到我的青春
tán kah guá ê tshing-tshun
已經落西
í-king lo̍h-se
茫茫渺渺
bông-bông-biáu-biáu
攏無怨慼
lóng bô uàn-tsheh
實在真狼狽
si̍t-tsāi tsin liông-puē
—
就親像放風吹
tiō tshin-tshiūnn pàng hong-tshue
啥人願意交陪
siánn-lâng guān-ì kau-puê
就親像覕相揣
tiō tshin-tshiūnn bih-sio-tshuē
落尾賰我一个
lo̍h-bué tshun guá tsi̍t-ê
