聖誕啊哈快樂啊哈
《聖誕啊哈快樂啊哈》Sìng-tàn–ah-ha Khuài-lo̍k–ah-ha
王瑞霞Ông Suī-hâ
——————————————
Merry Merry Merry Merry Xmas
這是一个
tse sī tsi̍t-ê
值得記念的假期
ta̍t-tit kì-liām ê ká-kî
一陣人啉予茫茫
tsi̍t-tīn lâng lim hōo bâng-bâng
笑甲嬈記記
tshiò kah hiâu kì-kì
有你陪伴
ū lí puê-phuānn
踮阮身邊
tiàm gún sin-pinn
就是團圓
tiō-sī thuân-înn
音樂燈光佈置
im-ga̍k ting-kong pòo-tì
看起來真四序
khuànn–khí-lâi tsin sù-sī
笑容歌聲喜氣
tshiò-iông kua-siann hí-khì
嘛已經有準備
mā í-king ū tsún-pī
歡迎你
huan-gîng lí
入來享受
ji̍p-lâi hiáng-siū
迷人的暗暝
bê-lâng ê àm-mî
聖誕啊哈快樂啊哈
sìng-tàn–ah-ha khuài-lo̍k–ah-ha
咱做陣來Party
lán tsuè-tīn lâi Party
牛排龍蝦魚翅
gû-pâi liông-hê hî-tshì
大とろ刺身
ōtoro sasimi
各地山珍海味
kok-tē san-tin-hái-bī
愛啥物有啥物
ài siánn-mih ū siánn-mih
這就是
tse tiō-sī
愛的滋味
ài ê tsu-bī
浪漫又紲喙
lōng-bān iū suà-tshuì
聖誕啊哈快樂啊哈
sìng-tàn–ah-ha khuài-lo̍k–ah-ha
有情人來坐大位
ū-tsîng lâng lâi tsē tuā-uī
Merry Merry Merry Merry Xmas
做陣食飯
tsuè-tīn tsia̍h-pn̄g
是足偉大的代誌
sī tsiok uí-tāi ê tāi-tsì
將緣份斟予滇滇
tsiong iân-hūn thîn hōo tīnn-tīnn
配話啉酒醉
phuè uē lim tsiú-tsuì
誠心誠意
sîng-sim sîng-ì
邀請你來遮
iau-tshiánn lí lâi tsia
痟話練一暝
siáu-uē liān tsi̍t-mî
Merry Merry Merry Merry Xmas
做陣食飯
tsuè-tīn tsia̍h-pn̄g
是咱修來的福氣
sī lán siu–lâi ê hok-khì
無論是啥物日子
bô-lūn sī siánn-mih ji̍t-tsí
聖誕抑過年
sìng-tàn ia̍h kuè-nî
將祝福全部送予你
tsiong tsiok-hok tsuân-pōo sàng hōo lí
Happy New Year
音樂燈光佈置
im-ga̍k ting-kong pòo-tì
金爍爍咧閃爍
kim sih-sih teh siám-sih
笑容歌聲喜氣
tshiò-iông kua-siann hí-khì
食好料治百病
tsia̍h hó-liāu tī pah-pīnn
插插伊
tshap-tshap–i
運動減肥
ūn-tōng kiám-puî
暫時來匪類
tsiām-sî lâi huí-luī
聖誕啊哈快樂啊哈
sìng-tàn–ah-ha khuài-lo̍k–ah-ha
該Happy就Happy
kai happy tiō happy
八卦拉絡講笑
pat-kuà la-le kóng-tshiò
全部攏無禁忌
tsuân-pōo lóng bô kìm-khī
鬧熱輕鬆趣味
lāu-jia̍t khin-sang tshù-bī
聽著你會觸舌
thiann-tio̍h lí ē tak-tsi̍h
管待伊
kuán-thāi–i
民國幾年
bîn-kok kuí- nî
今夜毋轉去
kim-iā m̄ tńg–khì
聖誕啊哈快樂啊哈
sìng-tàn–ah-ha khuài-lo̍k–ah-ha
將歌聲傳到天邊
tsiong kua-siann thuân kàu thinn-pinn
Merry Merry Merry Merry Xmas
做陣食飯
tsuè-tīn tsia̍h-pn̄g
是足偉大的代誌
sī tsiok uí-tāi ê tāi-tsì
將緣份斟予滇滇
tsiong iân-hūn thîn hōo tīnn-tīnn
配話啉酒醉
phuè uē lim tsiú-tsuì
誠心誠意
sîng-sim sîng-ì
邀請你來遮
iau-tshiánn lí lâi tsia
痟話練一暝
siáu-uē liān tsi̍t-mî
Merry Merry Merry Merry Xmas
做陣食飯
tsuè-tīn tsia̍h-pn̄g
是咱修來的福氣
sī lán siu–lâi ê hok-khì
無論是啥物日子
bô-lūn sī siánn-mih ji̍t-tsí
聖誕抑過年
sìng-tàn ia̍h kuè-nî
將祝福全部送予你
tsiong tsiok-hok tsuân-pōo sàng hōo lí
Merry Merry Merry Merry Xmas
And Happy New Year
