有故事的人上媠
《有故事的人上媠》Ū Kòo-sū ê Lâng Siōng Suí
徐健麟Î Kiān-lîn
——————————————
人生如浮萍
jîn-sing jû phû-phîng
漂浪毋是不得已
phiau-lōng m̄-sī put-tik-í
追求幸福靠自己
tui-kiû hīng-hok khò tsū-kí
分散隨風
hun-sàn suî hong
四海攏是一家親
sù-hái lóng-sī tsi̍t-ke tshin
差佇日月分明時
tsha tī ji̍t-gue̍h hun-bîng sî
啊~朋友用心交陪
ah~ pîng-iú iōng-sim kau-puê
可比骨肉親情
khó-pí kut-jio̍k tshin-tsîng
知己互相鼓勵
ti-kí hōo-siong kóo-lē
歲月不待人
suè-gua̍t put-thāi jîn
咱著認真拍拚
lán tio̍h jīn-tsin phah-piànn
惜緣也惜情
sioh-iân iā sioh-tsîng
頭前春風微微
thâu-tsîng tshun-hong bî-bî
阮相信
gún siong-sìn
有故事的人上媠
ū kòo-sū ê lâng siōng suí
