為你紅豔
《為你紅豔》Uī Lí Âng-iām
比佛利Pí-hu̍t-lī
——————————————
微微暗淡的光線
bî-bî àm-tām ê kng-suànn
夜半路燈
iā-puànn lōo-ting
照阮的孤影
tsiò gún ê koo-iánn
一个人為生活
tsi̍t-ê-lâng uî sing-ua̍h
為了三頓飽
uī-liáu sann-tǹg pá
是堅強女性
sī kian-kiông lú-sìng
愛認命
ài jīn-miā
別人的日子
pa̍t-lâng ê ji̍t-tsí
過甲遮繁華
kuè kah tsiah huân-huâ
阮只賰月娘
gún tsí tshun gue̍h-niû
陪阮講心情
puê gún kóng sim-tsiânn
無奈歲月考驗我
bô-nāi suè-gua̍t khó-giām guá
青春戲弄我
tshing-tshun hì-lāng guá
幸福紅地毯
hīng-hok âng tē-thán
啥人牽阮行
siánn-lâng khan gún kiânn
有緣的人
ū-iân ê lâng
當時才來入夢
tang-sî tsiah lâi ji̍p-bāng
溫柔的花欉
un-jiû ê hue-tsâng
等啊
tán–ah
等無露水凍(降)
tán bô lōo-tsuí tàng (kàng )
花開花紅
hue khui hue âng
惜花趁清芳
sioh-hue thàn tshing-phang
阮甘願為你
gún kam-guān uī lí
夜夜等
iā-iā tán
甘願為你
kam-guān uī lí
夜夜夢
iā-iā bāng
為你紅豔
uī lí âng-iām
