我袂孤單
《我袂孤單》Guá Buē Koo-tuann
伍珈慧Ngóo Ka-huī
——————————————
看恁學行學講話
khuànn lín o̍h kiânn o̍h kóng-uē
看恁讀冊出社會
khuànn lín tha̍k-tsheh tshut-siā-huē
看恁娶某看恁嫁
khuànn lín tshuā-bóo khuànn lín kè
看恁立業成家
khuànn lín li̍p-gia̍p sîng-ke
看恁有囝兒序細
khuànn lín ū kiánn-jî sī-sè
一路行過
tsi̍t-lōo kiânn–kuè
人生無留空白
jîn-sing bô lâu khàng-pe̍h
美麗的一切
bí-lē ê it-tshè
攏總囥佇心底
lóng-tsóng khǹg tī sim-té
我袂孤單
guá buē koo-tuann
因為有恁來做伴
in-uī ū lín lâi tsuè-phuānn
這種溫暖的感覺
tsit-tsióng un-luán ê kám-kak
予我幸福滿滿
hōo guá hīng-hok muá-muá
我袂孤單
guá buē koo-tuann
人生的路
jîn-sing ê lōo
我繼續行
guá kè-sio̍k kiânn
朋友隨時來唱歌
pîng-iú suî-sî lâi tshiùnn-kua
唱出一首
tshiùnn-tshut tsi̍t-siú
人生的彼條歌
jîn-sing ê hit tiâu kua
