伸手等你牽
《伸手等你牽》Tshun-tshiú Tán Lí Khan
卓依婷Toh I-tîng
——————————————
伸手等你來將阮牽
tshun-tshiú tán lí lâi tsiong gún khan
牽阮入你愛的海港
khan gún ji̍p lí ài ê hái-káng
兩字愛你的孤帆
nn̄g-jī ài lí ê koo-phâng
阮會一生攑懸懸
gún ē it-sing gia̍h kuân-kuân
無論你愛阮
bô-lūn lí ài gún
往西抑往東
óng-sai ia̍h óng-tang
若有你雙手
nā ū lí siang-tshiú
來送溫暖
lâi sàng un-luán
阮毋驚風雨
gún m̄-kiann hong-hōo
偌霜偌凍
guā sng guā tàng
前途偌遠偌煩
tsiân-tôo guā hn̄g guā huân
偌爾困難
guā-nī khùn-lân
阮攏甘願
gún lóng kam-guān
拍開心內的門窗
phah-khui sim-lāi ê mn̂g-thang
祈禱有你來入夢
kî-tó ū lí lâi ji̍p-bāng
你若隨時越頭望
lí nā suî-sî ua̍t-thâu bāng
有阮伸手等你牽
ū gún tshun-tshiú tán lí khan
你若隨時越頭望
lí nā suî-sî ua̍t-thâu bāng
有阮伸手等你牽
ū gún tshun-tshiú tán lí khan
