這就是阮運命
《這就是阮運命》Tse Tiō-sī Gún Ūn-miā
吳秀珠Ngôo Siù-tsu
——————————————
盈暗的酒攤
îng-àm ê tsiú-thuann
人客也無點著我
lâng-kheh iā bô tiám tio̍h guá
冷氣跤
líng-khì kha
淒冷又寒
tshe-líng iū kuânn
穿著一領透明的衫
tshīng tio̍h tsi̍t-niá thàu-bîng ê sann
若犯罪
ná huān-tsuē
想著心痛疼
siūnn-tio̍h sim thàng-thiànn
可憐的酒女生活
khó-liân ê tsiú-lú sing-ua̍h
有時陣走濟攤
ū-sî-tsūn tsáu tsē thuann
予人受氣捀酒潑
hōo-lâng siūnn-khì phâng tsiú phuah
粉味的酒廳
hún-bī ê tsiú-thiann
時常有雜音的聲
sî-siông ū tsa̍p-im ê siann
使予我流著凊汗
sú-hōo guá lâu tio̍h tshìn-kuānn
這款生活
tsit khuán sing-ua̍h
愈想愈驚
jú siūnn jú kiann
啊~無奈環境逼阮行
ah~ bû-nāi khuân-kíng pik gún kiânn
才著淪落烏暗城
tsiah tio̍h lûn-lo̍h oo-àm siânn
這就是阮運命
tse tsiū-sī gún ūn-miā
每日伴客到深夜
muí-ji̍t phuānn kheh kàu tshim-iā
