少女的心
《少女的心》Siàu-lú ê Sim
方婉真Png Uán-tsin(方宥心Png Iū-sim)
——————————————
一陣陣花芳味
tsi̍t-tsūn-tsūn hue-phang bī
吹過來阮的身邊
tshue kuè-lâi gún ê sin-pinn
一蕊蕊紅的白的
tsi̍t-luí-luí âng ê pe̍h ê
黃的粉紅玫瑰
n̂g ê hún-âng muî-kuì
有一張小卡片
ū tsi̍t-tiunn sió khah-phìnn
有伊寫的名字
ū i siá ê miâ-jī
一句句想我愛我
tsi̍t-kù-kù siūnn guá ài guá
念我深深的情意
liām guá tshim-tshim ê tsîng-ì
一陣陣心歡喜
tsi̍t-tsūn-tsūn sim huann-hí
想起著可愛的伊
siūnn-khí tio̍h khó-ài ê i
一點點甜的酸的
tsi̍t-tiám-tiám tinn ê sng ê
甘的初戀滋味
kam ê tshoo-luân tsu-bī
雖然阮小小年紀
sui-jiân gún sió-sió nî-kí
毋敢對伊來表示
m̄-kánn tuì i lâi piáu-sī
一聲聲歹勢Sorry
tsi̍t-siann-siann pháinn-sè Sorry
對不起莫受氣
duìbùqǐ mài siūnn-khì
少女的心
siàu-lú ê sim
親像多變的天
tshin-tshiūnn to-piàn ê thinn
有時出日頭
ū-sî tshut ji̍t-thâu
連鞭就落雨仔棉
liâm-mi tiō lo̍h-hōo-á-mî
少女的情
siàu-lú ê tsîng
親像古早的詩
tshin-tshiūnn kóo-tsá ê si
經過幾千年
king-kuè kuí-tshing nî
伊也袂當放袂記
i iā buē-tàng pàng-buē-kì
