悲情的酒家女
《悲情的酒家女》Pi-tsîng ê Tsiú-ka-lú
麗玉Lē-gio̍k
——————————————
自彼日
tsū hit-ji̍t
就來踮在一間
tiō lâi tiàm-tsāi tsi̍t-king
烏暗酒家內
oo-àm tsiú-ka lāi
陪人客啉燒酒
puê lâng-kheh lim sio-tsiú
用著假情愛
iōng-tio̍h ké tsîng-ài
阮雖然真正毋願
gún sui-jiân tsin-tsiànn m̄-guān
啊~真正毋願
ah~ tsin-tsiànn m̄-guān
萬項也攏是天安排
bān-hāng iā lóng-sī thinn an-pâi
暫時罔忍耐
tsiām-sî bóng jím-nāi
爸母也已經年老
pē-bú iā í-king nî-lāu
兄弟也無顧前後
hiann-tī iā bô kòo tsîng-āu
靠阮來度生活
khò gún lâi tōo sing-ua̍h
何時會出頭
hô-sî ē tshut-thâu
阮又無意愛的人
gún iū bô ì-ài ê lâng
啊~意愛的人
ah~ ì-ài ê lâng
想著心頭亂操操
siūnn-tio̍h sim-thâu luān-tshau-tshau
目屎暗暗流
ba̍k-sái àm-àm lâu
像彼暝秋風冷淡
tshiūnn hit-mî tshiu-hong líng-tām
叫阮陪伴伊一人
kiò gún puê-phuānn i tsi̍t-lâng
對阮無講心事
tuì gún bô kóng sim-sū
燒酒啉茫茫
sio-tsiú lim bâng-bâng
阮毋知伊的真心
gún m̄-tsai i ê tsin-sim
啊~伊的真心
ah~ i ê tsin-sim
到底你是採花蜂
tàu-tué lí sī tshái-hue-phang
抑是小花欉
ia̍h-sī sió hue-tsâng
