陪我行過

由陳文傑 · 2023 年 1 月 26 日

行過烏暗的山路
kiânn kuè oo-àm ê suann-lōo

毋過我並無孤單
m̄-koh guá pīng bô koo-tuann

我有救主耶穌看顧
guá ū Kiù-tsú Iâ-soo khuànn-kòo

我心內就有平安
guá sim-lāi tsiū ū pîng-an

–

經過世間的苦楚
king-kuè sè-kan ê khóo-tshó

毋過我並無悲傷
m̄-koh guá pīng bô pi-siong

我有救主耶穌疼痛
guá ū Kiù-tsú Iâ-soo thiànn-thàng

我的心就有向望
guá ê sim tsiū ū ǹg-bāng

–

踮佇世間總有風雨
tiàm tī sè-kan tsóng ū hong-hōo

咱是有主通倚靠
lán sī ū Tsú thang uá-khò

救主耶穌施恩保護
Kiù-tsú Iâ-soo si-un pó-hōo

我才有人生的路
guá tsiah ū jîn-sing ê lōo

–

人生親像一場夢
jîn-sing tshin-tshiūnn tsi̍t tiûnn bāng

花開花謝無時
hue khui hue siā bô-sî

人生本是一場空
jîn-sing pún sī tsi̍t tiûnn khang

懇求主共我敨放
khún-kiû Tsú kā guá tháu-pàng