異鄉
《異鄉》Ī-hiong
陳小雲Tân Sió-hûn(辰欣Sîn-him)
——————————————
初次來到異鄉
tshoo-tshù lâi-kàu ī-hiong
予阮感覺心茫茫
hōo gún kám-kak sim bông-bông
親像啥物
tshin-tshiūnn siánn-mih
圍在阮的腦海中
uî tsāi gún ê náu-hái tiong
不時都悶悶咧思鄉
put-sî to būn-būn teh su-hiong
既然離開故鄉
kì-jiân lī-khui kòo-hiong
何必懼怕啥波浪
hô-pit khū-phà siánn pho-lōng
盡著力量
tsīn tio̍h li̍k-liōng
創造自己的理想
tshòng-tsō tsū-kí ê lí-sióng
明日有明日的春風
bîng-ji̍t ū bîng-ji̍t ê tshun-hong
