江湖的好漢
《江湖的好漢》Kang-ôo ê Hó-hàn
葉啟田Ia̍p Khé-tiân
——————————————
自彼年流落江湖
tsū hit-nî liû-lo̍h kang-ôo
四界結兄弟
sì-kè kiat hiann-tī
對朋友重情義
tuì pîng-iú tiōng tsîng-gī
困難相扶持
khùn-lân sio hû-tshî
無論地位金錢
bô-lūn tē-uī kim-tsînn
友誼上規氣
iú-gî siōng kui-khì
人人都稱呼我是
lâng-lâng to tshing-hoo guá sī
人人都稱呼我是
lâng-lâng to tshing-hoo guá sī
江湖的好漢
kang-ôo ê hó-hàn
為人來扶弱治強
uī lâng lâi hû-jio̍k tī-kiông
才有好名譽
tsiah ū hó bîng-ī
做一个少年人
tsuè tsi̍t-ê siàu-liân-lâng
英雄好膽漢
ing-hiông hó-tám-hàn
毋管刀山火坑
m̄-kuán to-suann hué-khenn
拚命也著去
piànn-miā iā tio̍h khì
人人都稱呼我是
lâng-lâng to tshing-hoo guá sī
人人都稱呼我是
lâng-lâng to tshing-hoo guá sī
江湖的好漢
kang-ôo ê hó-hàn
踮世間袂當一切
tiàm sè-kan buē-tàng it-tshè
照著咱希望
tsiàu tio̍h lán hi-bāng
飄撇的?迌人
phiau-phiat ê thit-thô-lâng
毋驚有萬難
m̄-kiann ū bān-lân
無論走到佗位
bô-lūn tsáu kàu tó-uī
為人來賭命
uī lâng lâi tóo-miā
人人都稱呼我是
lâng-lâng to tshing-hoo guá sī
人人都稱呼我是
lâng-lâng to tshing-hoo guá sī
江湖的好漢
kang-ôo ê hó-hàn
