戀愛雙叉路
《戀愛雙叉路》Luân-ài Siang-tshe-lōo
楊麗花Iûnn Lē-hua
——————————————
一枝雨傘啊兩人攑
tsi̍t-ki hōo-suànn–ah nn̄g-lâng gia̍h
閃身欲去戀愛城
siám-sin bueh khì luân-ài siânn
坎坷路途心扞定
khám-khia̍t lōo-tôo sim huānn tiānn
透風落雨啊阮毋驚
thàu-hong lo̍h-hōo–ah gún m̄-kiann
戀愛前途啊雙叉路
luân-ài tsiân-tôo–ah siang-tshe-lōo
一條甜蜜啊一條苦
tsi̍t-tiâu tinn-bi̍t–ah tsi̍t-tiâu khóo
離開愛人欲啥步
lī-khui ài-jîn bueh siánn pōo
心肝親像啊火燒埔
sim-kuann tshin-tshiūnn–ah hué-sio-poo
永遠佮你啊毋願散
íng-uán kah lí–ah m̄-guān suànn
毋願雙雙啊變孤單
m̄-guān siang-siang–ah piàn koo-tuann
一對鴛鴦若拆散
tsi̍t-tuì uan-iunn nā thiah-suànn
半暝發燒啊佮會寒
puànn-mî huat-sio–ah kah ē kuânn
