愛情小山路
《愛情小山路》Ài-tsîng Sió Suann-lōo
陳盈潔Tân Îng-kiat
——————————————
懷著滿腹的痛苦
huâi tio̍h muá-pak ê thòng-khóo
拖著沉重的跤步
thua tio̍h tîm-tāng ê kha-pōo
孤單來到
koo-tuann lâi-kàu
昔日惜別的小山路
sik-ji̍t sioh-pia̍t ê sió suann-lōo
毛毛的小雨
mn̂g-mn̂g ê sió-lōo
親像笑阮
tshin-tshiūnn tshiò gún
太糊塗
thài hôo-tôo
甜蜜的戀情
tinn-bi̍t ê luân-tsîng
為何變成酸帶苦
uī-hô piàn-sîng sng tài khóo
為何會造成
uī-hô ē tsō-sîng
今日的錯誤
kim-ji̍t ê tshò-gōo
啊~因為倔強的緣故
ah~ in-uī ku̍t-kiông ê iân-kòo
才著一人行一路
tsiah tio̍h tsi̍t-lâng kiânn tsi̍t-lōo
啊~哀愁的小雨
ah~ ai-tshiû ê sió-hōo
將阮沃甲澹糊糊
tsiong gún ak kah tâm-kôo-kôo
啊~難忘的小山路
ah~ lân-bōng ê sió suann-lōo
是阮愛情的小山路
sī gún ài-tsîng ê sió suann-lōo
