君你敢是薄情人
《君你敢是薄情人》Kun Lí Kám-sī Po̍h-tsîng-lâng
劉沛蘭Lâu Phài-lân
——————————————
夜半月照玻璃窗
iā-puànn ge̍h tsiò po-lê-thang
窗外烏影像彼人
thang-guā oo-iánn tshiūnn hit lâng
搖來搖去啊相戲弄
iô-lâi-iô-khì–ah sio hì-lāng
害阮打嚇心茫茫
hāi gún tánn-hiannh sim bâng-bâng
趕緊將著針線來放
kuánn-kín tsiong tio̍h tsiam-suànn lâi pàng
跕跤躡步出繡房
liam-kha neh-pōo tshut siù-pâng
毋敢出聲開振動
m̄-kánn tshut-siann khui tín-tāng
探頭窗外看無人
thàm-thâu thang-guā khuànn-bô lâng
窗外更深露水凍
thang-guā kinn tshim lōo-tsuí tàng
陣陣暗風啊吹花欉
tsūn-tsūn àm-hong–ah tshue hue-tsâng
規暝思君戇戇夢
kui-mî su kun gōng-gōng bāng
君你敢是薄情的人
kun lí kám-sī po̍h-tsîng ê lâng
