傷心專門店
《傷心專門店》Siong-sim Tsuan-mn̂g-tiàm
黃妃N̂g Hui(黃麗華N̂g Lē-huâ)
——————————————
若是會當儉
nā-sī ē-tàng khiām
感情早著寄銀行
kám-tsîng tsá tio̍h kià gîn-hâng
毋免予人
m̄-bián hōo-lâng
支票開咧烏白送
tsi-phiò khui teh oo-pe̍h sàng
若是會當放
nā-sī ē-tàng pàng
感情早著放空空
kám-tsîng tsá tio̍h pàng khang-khang
就毋免為誰
tiō m̄-bián uī siáng
心狂火著一直紡
sim-kông-hué-to̍h it-ti̍t pháng
我是傷心專門店
guá sī siong-sim tsuan-mn̂g-tiàm
收留感情受傷的過路人
siu-liû kám-tsîng siū-siong ê kuè-lōo-lâng
心肝結趼毋通控
sim-kuann kiat-lan m̄-thang khàng
愈控愈齪心愈煩
jú khàng jú tsak sim jú huân
行入傷心專門店
kiânn-ji̍p siong-sim tsuan-mn̂g-tiàm
攏是感情受傷的過路人
lóng-sī kám-tsîng siū-siong ê kuè-lōo-lâng
莫問過去的
mài mn̄g kuè–khì-ê
是佗一層
sī tó tsi̍t-tsân
橫直會好
huînn-ti̍t ē hó
也已經袂完全
iā í-king buē uân-tsuân
