一跤手指
《一跤手指》Tsi̍t-kha Tshiú-tsí
阿吉仔A-kiat–á
——————————————
一跤手指已經掛
tsi̍t-kha tshiú-tsí í-king kuà
雙人當天有咒誓
siang-lâng tng thinn ū tsiù-tsuā
山盟海誓金不換
san-bîng hái-sè kim put uānn
約好今生鬥陣行
iok hó kim-sing tàu-tīn kiânn
午夜望無船靠岸
ngóo-iā bāng-bô tsûn khò-huānn
六月茉莉守寒夜
la̍k-gue̍h ba̍k-nī siú hân-iā
七重八耽姻緣散
tshit-tîng peh-tânn in-iân suànn
到尾新娘毋是我
kàu-bué sin-niû m̄-sī guá
九九連環夢袂醒
kiû-kiú liân-khuân bāng buē tshínn
恨自己
hūn tsū-kí
憂愁兩字斬袂斷
iu-tshiû nn̄g-jī tsám buē-tn̄g
剝袂離
pak buē-lī
一跤心煩心亂的手指
tsi̍t-kha sim huân sim luān ê tshiú-tsí
將阮夜夜纏
tsiong gún iā-iā tînn
如今誓言
jû-kim sè-giân
變成花言巧語
piàn-sîng hua-giân khá-gí
一杯傷心的酒
tsi̍t-pue siong-sim ê tsiú
斟予滇
thîn hōo tīnn
啉予伊毋知影醒
lim hōo i m̄ tsai-iánn tshínn
因為酒醉了後
in-uī tsiú-tsuì liáu-āu
阮就毋捌你
gún tiō m̄-bat lí
