迎接財神入大廳
《迎接財神入大廳》Gîng-tsiap Tsâi-sîn Ji̍p Tuā-thiann
小鳳鳳Sió-hōng-hōng(童欣Tông Him, 馬來西亞)
——————————————
街頭巷尾鑼鼓聲
kue-thâu hāng-bué lô-kóo siann
迎接財神入來阮厝的大廳
gîng-tsiap tsâi-sîn ji̍p-lâi guán tshù ê tuā-thiann
–
一年又過去
tsi̍t-nî iū kuè–khì
又閣一年
iū-koh tsi̍t-nî
歡迎啊新年
huan-gîng–ah sin-nî
鬧熱趣味
nāu-jia̍t tshù-bī
街頭巷尾鑼鼓聲
kue-thâu hāng-bué lô-kóo siann
迎接財神入大廳
gîng-tsiap tsâi-sîn ji̍p tuā-thiann
財神爺咧
tsâi-sîn-iâ–leh
來敬請咧
lâi kìng-tshiánn–leh
阮厝的大廳
gún tshù ê tuā-thiann
坐正正
tsē tsiànn-tsiànn
金銀財寶送來予我
kim-gûn tsâi-pó sàng lâi hōo guá
財神爺咧
tsâi-sîn-iâ–leh
來敬請咧
lâi kìng-tshiánn–leh
阮厝的大廳
gún tshù ê tuā-thiann
坐正正
tsē tsiànn-tsiànn
一家大大細細
tsi̍t-ke tuā-tuā-sè-sè
平安健康啊
pîng-an kiān-khong –ah
快快樂樂笑咍咍
khuài-khuài-lo̍k-lo̍k tshiò-hai-hai
哎唷~ aih-iooh~
