歡樂歌聲慶豐年
《歡樂歌聲慶豐年》Huan-lo̍k Kua-siann Khìng Hong-nî
小鳳鳳Sió-hōng-hōng(童欣Tông Him, 馬來西亞)
——————————————
鑼鼓雄雄拍起來啊
lô-kóo hiông-hiông phah–khí-lâi ah
咚咚鏘
tong-tong-tshang
十幾个鑼鼓拍著
tsa̍p-kuí ê lô-kóo phah-tio̍h
心頭也振動
sim-thâu iā tín-tāng
快樂的心情
khuài-lo̍k ê sim-tsîng
來看舞獅弄龍
lâi khuànn bú-sai lāng-lîng
新春的節目
sin-tshun ê tsiat-bo̍k
愈受歡迎
jú siū huan-gîng
鑼鼓雄雄拍起來啊
lô-kóo hiông-hiông phah–khí-lâi ah
咚咚鏘
tong-tong-tshiang
二十四節令鼓
jī-tsa̍p-sì tseh lēng-kóo
表演好啊好氣概
piáu-ián hó–ah hó khì-khài
舞啊大旗
bú–ah tuā-kî
實在好功夫
si̍t-tsāi hó kang-hu
七彩的花燈
tshit-tshái ê hue-ting
人人最愛
lâng-lâng tsuè ài
跳起來
thiàu–khí-lâi
舞起來
bú–khí-lâi
大街小巷鬧啋啋
tuā-kue-sió-hāng nāu-tshai-tshai
聽逐家講恭喜
thiann ta̍k-ke kóng kiong-hí
看你春風滿面
khuànn lí tshun-hong muá-bīn
爽快啊爽快啊
sóng-khuài–ah sóng-khuài–ah
緊來看緊來看
kín lâi khuànn kín lâi khuànn
歡樂的歌舞來開年
huan-lo̍k ê kua-bú lâi khai-nî
新春帶來好運氣
sin-tshun tuà-lâi hó ūn-khì
