老先覺
《老先覺》Lāu-sian-kak
七郎Tshit-lông
——————————————
無錢行無路
bô tsînn kiânn-bô lōo
無某真艱苦
bô bóo tsin kan-khóo
這款日子
tsit khuán ji̍t-tsí
你欲怎樣度
lí beh tsuánn-iūnn tōo
事業有基礎
sū-gia̍p ū ki-tshóo
行路愈大步
kiânn-lōo jú tuā-pōo
幸福快樂
hīng-hok khuài-lo̍k
神仙嘛怨妒
sîn-sian mā uàn-tòo
世間人
sè-kan-lâng
比懸比低比啥物
pí kuân pí kē pí siánn-mih
錢銀是老大
tsînn-gûn sī láu-tuā
會拚會趁
ē piànn ē thàn
開免驚開袂疼
khai bián-kiann khai buē thiànn
金山銀山總會焦
kim-suann gîn-suann tsóng ē ta
會儉會賰才是贏
ē khiām ē tshun tsiah-sī iânn
食老才免遮爾歹命
tsia̍h-lāu tsiah bián tsiah-nī pháinn-miā
啊~做著男子漢
ah~ tsuè tio̍h lâm-tsú-hàn
凡事著愛照步行
huân-sū tio̍h-ài tsiàu-pōo kiânn
—
莫閣騙我啦
mài koh phiàn guá–lah
莫閣死炸啦
mài koh sí-tsuànn–lah
這款招數
tsit khuán tsiau-sòo
我嘛會知影
guá mā ē tsai-iánn
若無兩三步
nā-bô nn̄g-sann pōo
啥人敢臭彈
siánn-lâng kánn tshàu-tuānn
毋是老先覺
m̄-sī lāu-sian-kak
毋敢遮大聲
m̄-kánn tsiah tuā-siann
