看看這个世界
《看看這个世界》Khuànn-khuànn Tsit ê Sè-kài
鱸鰻阿德Lôo-muâ A-tik(黃永德 N̂g Íng-tik)
——————————————
細漢的時陣
suè-hàn ê sî-tsūn
阮的阿娘有交代
gún ê a-niâ ū kau-tài
天公疼好人
thinn-kong thiànn hó-lâng
你著毋通學歹
lí to̍h m̄-thang o̍h-phái
人戇戇咧做
lâng gōng-gōng teh tsò
上天佇咧金金看
siōng-thinn tī-leh kim-kim-khuànn
好人出頭天
hó-lâng tshut-thâu-thinn
歹人會無性命
phái-lâng ē bô sìnn-miā
讀冊的時陣
tha̍k-tsheh ê sî-tsūn
阮的先生有教示
gún ê sian-sinn ū kà-sī
禮義佮廉恥
lîyì kah liánchǐ
是做人的道理
sī tsò-lâng ê tō-lí
冊愛認真讀
tsheh ài jīn-tsin tha̍k
學歷會勝過一切
ha̍k-li̍k ē sìng-kuè it-tshè
欲按怎收成
beh án-tsuánn siu-sîng
著愛按怎栽種
to̍h-ài án-tsuánn tsai-tsìng
但是你
tān-sī lí
看看這个世界
khuànn-khuànn tsit ê sè-kài
啥物時陣看著正義
sí-mih sî-tsūn khuànn-tio̍h tsìng-gī
看看這个世界
khuànn-khuànn tsit ê sè-kài
好人活著遮爾哀悲
hó-lâng ua̍h-tio̍h tit tsiah-nī ai-pi
看看這个世界
khuànn-khuànn tsit ê sè-kài
啥物時陣看著真理
sí-mih sî-tsūn khuànn-tio̍h tsin-lí
看看這个世界
khuànn-khuànn tsit ê sè-kài
歹人過著遮爾順序
pháinn-lâng kuè tio̍h tsiah-nī sūn-sī
大漢了以後
tuā-hàn liáu í-āu
行入繁華的都市
kiânn-ji̍p huân-huâ ê too-tshī
拚活閣拚死
piànn ua̍h koh piànn sí
為著爭一口氣
uī-tio̍h tsing tsi̍t-kháu-khuì
艱苦的日子
kan-khóo ê ji̍t-tsí
心酸提來寫日記
sim-sng the̍h-lâi siá ji̍t-kì
希望有一日
hi-bāng ū-tsi̍t-ji̍t
總是會出頭天啊
tsóng–sī ē tshut-thâu-thinn–ah
社會的現實
siā-huē ê hiān-si̍t
使人膽寒的冬天
sú-lâng tám-hân ê tang-thinn
無價的良心
bô-kè ê liông-sim
愈來愈毋值錢
jú lâi jú m̄ ta̍t-tsînn
理想佮希望
lí-sióng kah hi-bāng
漸漸來放予袂記
tsiām-tsiām lâi pàng hōo buē-kì
做人的道理
tsò-lâng ê tō-lí
就是認真趁錢
tō-sī jīn-tsin thàn-tsînn
但是你
tān-sī lí
看看這个世界
khuànn-khuànn tsit ê sè-kài
你敢有影真正快樂
lí kám ū-iánn tsin-tsiànn khuài-lo̍k
看看這个世界
khuànn-khuànn tsit ê sè-kài
你敢袂來感覺揬?
lí kám buē lâi kám-kak tu̍h-lān
看看這个世界
khuànn-khuànn tsit ê sè-kài
你敢相信猶有希望
lí kám siong-sìn iáu-ū hi-bāng
看看這个世界
khuànn-khuànn tsit ê sè-kài
你敢袂來感覺怨嘆
lí kám buē lâi kám-kak uàn-thàn
–
這个世界
tsit ê sè-kài
無法無天
bô-huat-bô-thinn
這个世界
tsit ê sè-kài
無真無理
bô tsin bô lí
這个世界
tsit ê sè-kài
無是無非
bô sī bô hui
這个世界
tsit ê sè-kài
無情無義
bô-tsîng bô-gī
