快樂農家女
《快樂農家女》Khuài-lo̍k Lông-ka-lú
櫻花姊妹Ing-hue Tsí-muē(詹雅雯Tsiam Ngá-bûn詹雅雲Tsiam Ngá-hûn)
——————————————
我是一个農家女兒
guá sī tsi̍t-ê lông-ka lú-jî
無煩無惱過日子
bô-huân-bô-ló kuè ji̍t-tsí
阮庄跤好情味
gún tsng-kha hó tsîng-bī
厝邊頭尾像家己
tshù-pinn-thâu-bué tshiūnn ka-tī
溪水清清
khe-tsuí tshing-tshing
四邊好光景
sì-pinn hó kong-kíng
七早啊八早
tshit-tsá–ah peh-tsá
來去巡田水
lâi-khì sûn tshân-tsuí
青菜也青翠
tshenn-tshài iā tshinn-tshuì
稻仔也飽滇
tiū-á iā pá-tīnn
身體勇健
sin-thé ióng-kiānn
做穡真拚勢
tsuè-sit tsin piànn-sì
我是一个農家女兒
guá sī tsi̍t-ê lông-ka lú-jî
快樂過日子
khuài-lo̍k kuè ji̍t-tsí
我是一个農家女兒
guá sī tsi̍t-ê lông-ka lú-jî
無煩無惱過日子
bô-huân-bô-ló kuè ji̍t-tsí
阮庄跤好空氣
gún tsng-kha hó khong-khì
厝前後壁花芳味
tshù-tsîng āu-piah hue-phang bī
白雲清清
pe̍h-hûn tshing-tshing
四邊好光景
sì-pinn hó kong-kíng
七早啊八早
tshit-tsá–ah peh-tsá
來去巡田水
lâi-khì sûn tshân-tsuí
毋驚日頭炎
m̄-kiann ji̍t-thâu iām
粒粒汗水滴
lia̍p-lia̍p kuānn-tsuí tih
阮愛庄跤
gún ài tsng-kha
無愛大都市
bô-ài tuā-too-tshī
我是一个農家女兒
guá sī tsi̍t-ê lông-ka lú-jî
快樂過日子
khuài-lo̍k kuè ji̍t-tsí
