紅塵夢醒
《紅塵夢醒》Hông-tîn-bāng Tshínn
蘇芮 Soo Juē
——————————————
手提胭脂照著鏡
tshiú the̍h ian-tsi tsiò tio̍h kiànn
一半怨嘆一半驚
tsi̍t-puànn uàn-thàn tsi̍t-puànn kiann
是因果抑是過錯
sī in-kó ia̍h-sī kuè-tshò
阮的命哪遮爾薄
gún ê miā ná tsiah-nī po̍h
想起女人的運命
siūnn-khí lú-jîn ê ūn-miā
一半心酸一半疼
tsi̍t-puànn sim-sng tsi̍t-puànn thiànn
環境使阮一錯再錯
khuân-kíng sú gún it-tshò tsài-tshò
紅塵淚落欲如何
hông-tîn luī lo̍h bueh jû-hô
身在紅塵啊
sin tsāi hông-tîn–ah
無人做伴
bô-lâng tsuè-phuānn
顛顛倒倒無地扞
tian-tian-tó-tó bô-tè huānn
親像傀儡啊
tshin-tshiūnn ka-lé–ah
在人搬
tsāi-lâng puann
茫茫渺渺為著啥
bông-bông-biáu-biáu uī-tio̍h siánn
紅塵夢醒閣按怎
hông-tîn-bāng tshínn koh án-tsuánn
紅塵夢醒閣按怎
hông-tîn-bāng tshínn koh án-tsuánn
心已經送風行
sim í-king sàng hong kiânn
