目睭內上倔強的砂
《目睭內上倔強的砂》Ba̍k-tsiu Lāi Siōng Ku̍t-kiông ê Sua
蘇明淵Soo Bîng-ian
——————————————
飛入你的目睭的砂
pue ji̍p lí ê ba̍k-tsiu ê sua
想欲踮遐生活
siūnn-beh tiàm hia sing-ua̍h
若毋捌靠岸的船
ná m̄-bat khò-huānn ê tsûn
開入溫暖的駁岸
khui ji̍p un-luán ê poh-huānn
怹無欲予我蹛佇遐
in bô beh hōo guá tuà tī hia
將你的目箍
tsiong lí ê ba̍k-khoo
挼甲紅紅
juê kah âng-âng
看你嚨喉已經滇矣
khuànn lí nâ-âu í-king tīnn–ah
目屎含佇目墘滾絞
ba̍k-sái kâm tī ba̍k-kînn kún-ká
我是你的目睭內
guá sī lí ê ba̍k-tsiu lāi
上倔強的砂
siōng ku̍t-kiông ê sua
欲趕我走
beh kuánn guá tsáu
你著大聲吼
lí to̍h tuā-siann háu
我是你的目睭內
guá sī lí ê ba̍k-tsiu lāi
上倔強的砂
siōng ku̍t-kiông ê sua
掰袂開(啊)未來的運命
pué buē-khui–ah bī-lâi ê ūn-miā
—
一粒砂
tsi̍t-lia̍p sua
佇你的世界有偌大
tī lí ê sè-kài ū guā tuā
流遮濟目屎
lâu tsiah tsē ba̍k-sái
猶輾袂落來
iáu lìn buē lo̍h-lâi
