無眠
《無眠》Bô-bîn
蘇打綠 Soo-tánn-li̍k
—————————————–
今仔日月娘哪遐爾光
kin-á-ji̍t gue̍h-niû ná hiah-nī kng
照著阮規暝攏袂當睏
tsiò-tio̍h gún kui-mî lóng buē-tàng khùn
連頭毛攏無歇睏
liân thâu-mn̂g lóng bô hioh-khùn
(親像魚死佇花園)
(tshin-tshiūnn hî sí tī hue-hn̂g )
.
你敢知阮對你的思念
lí kám tsai gún tuì lí ê su-liām
希望你有仝款的夢
hi-bāng lí ū kāng-khuán ê bāng
咱兩人做陣轉來彼一工
lán nn̄g-lâng tsuè-tīn tńg-lâi hit tsi̍t-kang
互相依倚的情愛
hōo-siong i-uá ê tsîng-ài
佇你的心肝內
tī lí ê sim-kuann-lāi
是毋是閣有我的存在
sī-m̄-sī koh ū guá ê tsûn-tsāi
永遠攏咧等
íng-uán lóng leh tán
有時陣嘛會毋甘願
ū-sî-tsūn mā ē m̄-kam-guān
.
想講欲做伙飛
siūnn-kóng beh tsò-hué pue
去一个心中美麗的所在
khì tsi̍t-ê sim-tiong bí-lē ê sóo-tsāi
所有的一切
sóo-ū ê it-tshè
攏總佮你囥做伙
lóng-tsóng kah lí khǹg tsò-hué
希望你會當了解
hi-bāng lí ē-tàng liáu-kái
(為著你 我一定等)
(uī-tio̍h lí, guá it-tīng tán )
.
我毋管偌濟時間
guá m̄-kuán guā-tsuē sî-kan
偌濟目屎 偌濟失望
guā-tsuē ba̍k-sái, guā-tsuē sit-bōng
來忍耐
lâi jím-nāi
我毋管你當時會轉來
guá m̄-kuán lí tang-sî ē tńg-lâi
.
其實我嘛毋知影
kî-si̍t guá mā m̄-tsai-iánn
為怎樣 為怎樣
uī tsuánn-iūnn, uī tsuánn-iūnn
戇戇等待
gōng-gōng tán-thāi
你 是我唯一的愛
lí, sī guá uî-it ê ài
