為著一百萬
《為著一百萬》Uī-tio̍h Tsi̍t-pah Bān
蘇明淵Soo Bîng-ian
——————————————
無影無跡
bô-iánn-bô-tsiah
一時一刻
tsi̍t-sî tsi̍t-khik
招我做你的翁
tsio guá tsò lí ê ang
和你生囝
hām lí senn-kiánn
啥物我是你熟似
siánn-mih guá sī lí si̍k-sāi
上讚的羅漢跤
siōng tsán ê lô-hàn-kha
有氣魄有腳數
ū khì-phik ū kioh-siàu
堂堂男子漢
tông-tông lâm-tsú-hàn
你講輸人毋輸陣
lí kóng su lâng m̄-su tīn
輸陣歹看面
su tīn pháinn-khuànn bīn
叫我先匯
kiò guá sing huē
五十萬做聘金
gōo-tsa̍p bān tsò phìng-kim
紲落去恁母仔開刀
suà–lueh lín bú–á khui-to
恁阿媽車禍
lín a-má tshia-hō
講甲喙角全全泡
kóng kah tshuì-kak tsuân-tsuân pho
我手攏無牽著
guá tshiú lóng bô khan–tio̍h
面嘛無見著
bīn mā bô kìnn–tio̍h
干焦聽著你
kan-na thiann-tio̍h lí
敲電話來司奶
khà-tiān-uē lâi sai-nai
叫我男主角
kiò guá nánzhǔjiǎo
叫我親愛的
kiò guá qīn’àide
我聽甲茫酥酥
guá thiann kah mángsūsū
強欲擋袂牢
kiōng-beh tòng bē-tiâu
閣予你五十萬
koh hōo lí gōo-tsa̍p bān
喔喔喔喔
ooh ooh ooh ooh
你這个歹查某
lí tsit ê pháinn tsa-bóo
予你騙甲踅玲瑯
hōo lí phiàn kah se̍h-lin-long
喔喔喔喔
ooh ooh ooh ooh
哼!你這个歹查某
hngh! lí tsit ê pháinn tsa-bóo
緊還我一百萬
kín hîng guá tsi̍t-pah bān
我欲揣律師去告官府
guá beh tshuē lu̍t-su khì kò kuann-hú
律師罵我
lu̍t-su mā guá
頭殼破一空無藥醫
thâu-khak phuà tsi̍t-khang bô-io̍h-i
講我激怐怐
kóng guá kik-khòo-khòo
袂記得穿內褲
buē-kì-lit tshīng lāi-khòo
嘛愛記得共頭殼囥佇身軀
mā ài kì-leh kā thâu-khak khǹg tī sin-khu
毋通攏用跤頭趺咧思考
m̄-thang lóng iōng kha-thâu-u teh su-khó
毋通攏用跤頭趺咧思考
m̄-thang lóng iōng kha-thâu-u teh su-khó
喔喔喔喔
ooh ooh ooh ooh
你這个歹查某
lí tsit ê pháinn tsa-bóo
予你騙甲踅玲瑯
hōo lí phiàn kah se̍h-lin-long
喔喔喔喔
ooh ooh ooh ooh
哼!你這个歹查某
hngh! lí tsit ê pháinn tsa-bóo
緊還我一百萬
kín hîng guá tsi̍t-pah bān
喔喔喔喔
ooh ooh ooh ooh
你這个歹物仔
lí tsit ê pháinn-mi̍h-á
予你迷甲頭殼悾悾
hōo lí bê kah thâu-khak khong-khong
喔喔喔喔
ooh ooh ooh ooh
你這个歹姼仔
lí tsit ê pháinn tshit-á
緊還我一百萬
kín hîng guá tsi̍t-pah bān
無情的社會
bô-tsîng ê siā-huē
走跳遮濟年
tsáu-thiàu tsiah tsē nî
想欲揣一个牽手過日子
siūnn-beh tshuē tsi̍t-ê khan-tshiú kuè ji̍t-tsí
想袂到
siūnn bē-kàu
去拄著你
khì tú-tio̍h lí
講啥物欲愛我一萬年
kóng siánn-mih beh ài guá tsi̍t-bān nî
原來攏是為著錢
guân-lâi lóng-sī uī-tio̍h tsînn
原來攏是為著一百萬
guân-lâi lóng-sī uī-tio̍h tsi̍t-pah bān
