海風的歌唱予日頭聽
《海風的歌唱予日頭聽》Hái-hong ê Kua Tshiùnn Hōo Ji̍t-thâu Thiann
嚴詠能Giâm Īng-lîng
——————————————
上上六工上六工
siang siang liu kong siang liu kong
上上六工上六上六工
siang siang liu kong siang liu siang liu kong
海風吹過港岸
hái-hong tshue kuè káng-huānn
綴著日頭的跤步
tuè tio̍h ji̍t-thâu ê kha-pōo
咱閣轉來遮
lán koh tńg-lâi tsia
阿爸的船隻
a-pah ê tsûn-tsiah
是阮向望的形影
sī gún ǹg-bāng ê hîng-iánn
魚蝦滿滿
hî-hê muá-muá
快樂的心情
khuài-lo̍k ê sim-tsiânn
日頭曝佇鹽埕
ji̍t-thâu pha̍k tī iâm-tiânn
牽你的手
khan lí ê tshiú
攬著青春的夢
lám tio̍h tshing-tshun ê bāng
阿公的血汗
a-kong ê hueh-kuānn
對較早攏拭袂焦
tuì khah-tsá lóng tshit buē ta
按怎袂記
án-tsuánn buē-kì
序細的笑聲
sī-suè ê tshiò-siann
等我等我
tán guá tán guá
意志的海岸
ì-tsì ê hái-huānn
等我等我
tán guá tán guá
轉來鹽埕將某娶
tńg-lâi iâm-tiânn tsiong bóo tshuā
等我等我
tán guá tán guá
毋驚海風偌畏寒
m̄-kiann hái-hong guā uì-kuânn
等我等我
tán guá tán guá
管待伊日頭偌熱
kuán-thāi-i ji̍t-thâu guā jua̍h
咱轉來故鄉蹛佇遮
lán tńg-lâi kòo-hiong tuà tī tsia
熟似的鑼鼓
si̍k-sāi ê lô-kóo
財哥的姦撟聲
Tsâi–ko ê kàn-kiāu siann
早起的海風佮日頭
tsái-khí ê hái-hong kah ji̍t-thâu
猶原是囡仔
iu-guân sī gín-á
欲大漢的歌
beh tuā-hàn ê kua
咱轉來故鄉蹛佇遮
lán tńg-lâi kòo-hiong tuà tī tsia
將記持的笑容
tsiong kì-tî ê tshiò-iông
溫柔仔?
un-jiû-á tshuā
早起的海風佮日頭
tsái-khí ê hái-hong kah ji̍t-thâu
哎喲兄弟
aih-iō hiann-tī
講遮濟
kóng tsiah tsuē
爽就來唸
sóng tō lâi liām
海風的歌
hái-hong ê kua
唱予日頭聽
tshiùnn hōo ji̍t-thâu thiann
